Isang ginang na si Ludilyn ang humingi ng tulong sa Raffy Tulfo in Action dahil sa umano’y paulit-ulit na pananakit ng kanyang partner na si Jomari Biagos at pagtanggi nito sa kanilang 10-buwang gulang na anak.Ayon kay Ludilyn, kinilala ng lalaki ang anak nang ipanganak ito ngunit sa paghiwalay nila, itinatanggi niya ang pagiging ama. Ikinuwento rin niya ang pisikal na pananakit habang siya ay buntis, pati na rin ang paninira sa social media, kabilang ang mga maling paratang na nagnakaw siya at nagkaroon ng ibang karelasyon. Mayroon siyang mga larawan bilang ebidensya at mga testigo, kabilang ang dalawang anak ni Jomari.
Sa panig ni Jomari, inamin niyang nasaktan si Ludilyn sa tatlong pagkakataon pero iginiit na may dahilan, at nais sumailalim sa DNA test.
Nilinaw ni Ludilyn na hindi na niya nais makipagbalikan at hangad lamang ang hustisya. Ayon kay Atty. Gareth Tungol, maaaring magsampa si Ludilyn ng kaso laban sa physical abuse, grave threats, at posibleng cyber libel, at imbestigahan ang pekeng account na ginagamit laban sa kanya.
Pinapayuhan ng programa ang mga biktima ng pang-aabuso na magsalita at humingi ng tulong para sa kanilang proteksyon
